Францияда бўлиб ўтадиган футбол бўйича 2016 йилги Европа чемпионати ташкилий қўмитаси Европа футбол ассоциациялари иттифоқи (УЕФА) билан ҳамкорликда чипталарни қўлдан қўлга сотиш бўйича илк расмий канални ишга туширади. Бу ҳақда Agence France-Presse хабар бермоқда.
Амалдорнинг сўзларига кўра, чипталарни қўлдан қўлга сотиш бўйича расмий платформа 2016 йилнинг март апрель ойларида ишга тушади. Кимдир олдиндан ўйинларга чипта сотиб олиб, бироқ бирор сабаб билан ўйинга боролмайдиган бўлиб қолса, уларни интернет орқали қонуний равишда сотиши мумкин бўлади.
Евро-2016 чипталари нархи 25 евродан бошланиб, энг қиммати 895 еврогача етади. Ташкилотчилар чипталарни тўрт тоифа бўйича сотишади. Гуруҳ босқичи ўйинлари чипталари нархи 25-145 евро оралиғида, ярим финал чипталари 65-495 евродан, финал чипталари 85-895 евродан, очилиш учрашуви чипталари эса 75-595 евродан сотилади. Савдоларнинг илк босқичи 2015 йил 10 июнь куни старт олади.
Франция ўз тарихида учинчи марта футбол бўйича Европа чемпионатини қабул қилади. Мусобақа 2016 йилнинг 10 июнь – 10 июль кунлари бўлиб ўтади.
Изоҳ (0)