Futbol bo‘yicha O‘zbekiston yoshlar termasining JChda ishtirok etadigan tarkibi e’lon qilindi

11-may, dushanba kuni O‘zbekiston Futbol Federatsiyasi Prezidenti huzuridagi Murabbiylar Kengashining majlisi bo‘lib o‘tdi, deb xabar beradi O‘FF matbuot xizmati.

Majlisda O‘zbekiston U-20 bosh murabbiyi Ravshan Haydarov so‘z olib, jamoasining 30-may kunida boshlanadigan mundialga qay tarzda tayyorgarlik ko‘rgani va bo‘lajak yig‘inlar haqida ma’lumot berdi.

Jahon chempionatiga tayyorgarlik doirasida O‘zbekiston yoshlar terma jamoasi oltita o‘quv-mashg‘ulot yig‘inlarini o‘tkazib, unda 13 ta o‘rtoqlik va nazorat uchrashuvlari o‘tkazdi. Yig‘inlarga chaqirilgan 45 futbolchidan 26 nafari tanlab olindi. Ulardan 21 nafari JChda ishtirok etadi, qolgan 5 futbolchi esa zaxira ro‘yxatiga tushdi.

Jahon chempionatiga tayyorgarlikning so‘nggi bosqichi 3-mayda boshlandi. Ushbu yig‘inning birinchi bosqichi 6-maygacha davom etib, unda Qirg‘iziston olimpiya terma jamoasi bilan kuch sinashildi va 2:2 hisobidagi durang qayd etildi. Ikkinchi bosqich 11-maydan 20-maygacha Toshkentda davom etadi.

20-may kuni O‘zbekiston yoshlar terma jamoasi Yangi Zelandiyaga uchib ketadi. 22-may kuni jamoa Yangi Zelandiyaga yetib boradi.

U-20 yoshlar o‘rtasidagi jahon chempionatida O‘zbekiston F guruhida Germaniya, Gonduras va Fiji termalariga qarshi bahs olib boradi.

Quyida O‘zbekiston U-20 terma jamoasining 11–20-may kunlaridagi yig‘iniga chaqirilgan va jahon chempionatiga boradigan futbolchilar ro‘yxatini keltirib o‘tamiz.

Darvozabonlar:Dilshod Hamroyev (“Qizilqum”)Botirali Ergashev (“Paxtakor”)Sarvar Karimov (“Lokomotiv”)

Himoyachilar:Rustam Ashurmatov (“Bunyodkor”)Akromjon Komilov (“Bunyodkor”)Abbosjon Otaxonov (“Paxtakor”)Ibrohim Abdullayev (“Paxtakor”)Najmiddin Normurodov (“Nasaf”)Odil Hamrobekov (“Nasaf”)Doston Tursunov (“Neftchi”)

Yarim himoyachilar:Javohir Sohibov (“Paxtakor”)Javohir Siddiqov (“Paxtakor”)Timur Tolipov (“Paxtakor”)Otabek Shukurov (“Bunyodkor”)Sardor Azimov (“Bunyodkor”)Mirjamol Qosimov (“Bunyodkor”)Xurshid G‘iyosov (“Bunyodkor”)

Hujumchilar:Doston Hamdamov (“Bunyodkor”)Zabixullo O‘rinboyev (“Bunyodkor”)Eldor Shomurodov (“Bunyodkor”)Ravshan Xursanov (“Paxtakor)

Zaxiradagilar:Darvozabon: Sherzod Abduraimov (“Sementchi”)Himoyachi: Ergash Ismoilov (“Bunyodkor”)Yarim himoyachi: Doniyor Narzullayev (“Nasaf”)Hujumchilar: Asliddin Abdiyev (“Mash’al”), Temur Usmonov (“Lokomotiv”).