Samsung kompaniyasi Yaponiyada sotiladigan Galaxy S6 va Galaxy S6 Edge flagman smartfonlaridan Samsung’ni yodga solishi mumkin bo‘lgan barcha belgilarni olib tashlaganiga qaramay, qurilmalarning Kunchiqar yurtdagi savdolarida o‘sish kuzatilmadi. Bu haqda THG.ru xabar bermoqda.
Savdolarning birinchi haftasida ham Samsung Galaxy S6 Edge 10-o‘rindan yuqoriga ko‘tarila olmagan, ikkinchi haftada esa 16-o‘ringa tushib ketgan. Samsung Galaxy S6’ning ahvoli esa bundan ham yomonroq – qurilma savdolarning birinchi haftasida 17-, ikkinchi haftada esa 30-o‘rinni egalladi.
E’tiborli tomoni, jahonning ko‘plab boshqa mamlakatlarida ushbu vaziyatning mutlaqo aksi kuzatilmoqda va ko‘plab tahlilchilar tomonidan Samsung Galaxy S6 va Samsung Galaxy S6 Edge jahondagi eng yaxshi smartfon deb baholanmoqda.
Ba’zi mutaxassislar Samsung’ning Yaponiyadagi muvaffaqiyatsizligini Makartur sindromi bilan izohlashmoqda – unga ko‘ra, yaponiyalik iste’molchilar G‘arb mahsulotlarini Osiyoda ishlab chiqarilgan tovarlarga nisbatan ko‘proq qadrlashadi. Yaponiyada iPhone smartfonlari juda ham mashhurligini ham shu bilan izohlash mumkin.
Izoh (0)