Gonkongda ikkita sayyohlik avtobusi va samosval ishtirokidagi avtohalokatda kamida 53 kishi turli tan jarohati oldi, deb xabar beradi “TASS”.
Avtobuslarda Koreya Respublikasi va Xitoy sharqidagi Anxoy viloyati sayyohlari bo‘lgan.
Hodisa 11-may kuni orol janubidagi sohillardan biriga yaqin hududda sodir bo‘ldi. Tor yo‘lda sayyohlik avtobuslari ro‘parama-ro‘para to‘qnashib ketdi, ulardan birining orqasidan samosval kelib urdi.
Shikastlanganlarning ba’zilariga voqea joyida tibbiy yordam berildi, qolganlar esa shifoxonaga olib ketildi. Ko‘pchilik faqat yengil tan jarohati bilan qutulib qoldi.
Politsiya avariya sabablarini tergov qilishni boshladi. Halokat boshqaruvni yo‘qotgan haydovchilardan birining aybi bilan sodir bo‘lganligi taxmin qilinyapti.
Izoh (0)