Непалда 12 май, сешанба куни рўй берган янги, 7,3 магнитудали зилзила натижасида ҳалок бўлганлар сони 36 кишига етди. Бу ҳақда News.Liga.net хабар бермоқда.
Сўнгги маълумотларга кўра, 36 киши ҳалок бўлган, 1117 киши тан жароҳати олган.
Қайд этишларича, зилзила қўшни Ҳиндистона ҳам сезилган, Ню-Деҳли ва Калкутта метролари ўз фаолиятини вақтинча тўхтатган.
Press Trust of India’нинг хабар беришича, Ҳиндистон шарқидаги Биҳар штатида зилзила натижасида биноларнинг вайрон бўлиши оқибатида 10 киши ҳалок бўлган.
Эслатиб ўтамиз, Непалда 25 апрель куни 7,9 магнитудали зилзила юз берганди. Ундан сўнг магнитудаси 3,2дан 6,9гача бўлган 90га яқин афтершоклар қайд этилди.
Сўнгги маълумотларга кўра, 25 апрелдаги зилзила натижасида 8 мингдан ортиқ одам ҳалок бўлди, 18 мингга яқин жароҳатланди.
Изоҳ (0)