Британия шаҳзодаси Гарри тез орада ўз севгилисини топишга ва фарзандлар кўришга умид қилмоқда. Бу ҳақда қироллик оиласининг 30 ёшли вакили 11 май, душанба куни Sky News телеканалига берган интервьюсида айтиб ўтди, деб ёзади ТАСС.
«Албатта, мен фарзандлар кўришни истардим. Бироқ енгиб ўтиш керак бўлган вазиятлар бор. Барчасини тўғри қиляпман, деган умиддаман», — деди у.
Британия тахтига навбат бўйича бешинчи даъвогар, Қуролли кучлар капитани шаҳзода Гарри яқинда Австралиядаги бир ойлик ҳарбий сафарини тугаллаб, энди Янги Зеландияда бўлиб турибди.
Акаси Уильям 30 ёшида армиядан кетгани каби, Гарри ҳам июнь ойида армияни тарк этиши кутилмоқда. Бироқ у ўз вақтини оила қуришга бағишлаши номаълум, гап шундаки, маҳаллий ОАВлар ёзишича, у уруш фахрийлари, ёввойи табиат муҳофазаси ва Африкани ривожлантиришга ёрдам бериш билан шуғулланувчи хайрия ташкилотларида иш бошламоқчи.
Изоҳ (0)