Yaponiyalik shifokorlar olib borgan tadqiqot natijalariga ko‘ra, kuniga 1–2 finjon qahva yoki ko‘k choy ichgan odamlarda o‘lim xavfi tetiklantiruvchi ichimlikni umuman iste’mol qilmaydigan yoki 3–4 finjon va undan ham ko‘p ichadiganlarga nisbatan kamroq bo‘lishi aniqlandi. Bu haqda “Korrespondent.net” xabar qilmoqda.
Natijalar 90 mingdan ortiq 40 dan 69 yoshgacha bo‘lgan erkak va ayollarning kunlik oziq-ovqat mahsulotlari haqida 19 yil davomida muntazam o‘tkazilgan so‘rovnoma asosida olindi. Bu vaqt davomida tadqiqotchilar respondentlar orasida o‘lim darajasiga baho berdi. Tajribada ishtirok etganlar orasida o‘lim soni 13 000 ni tashkil qildi.
Tadqiqotchilar olgan natijalarga ko‘ra, kuniga 1–2 finjon qahva iste’mol qilish o‘lim xavfini 15 foizga kamaytiradi. Qizig‘i, kuniga 3–4 finjon qahva ichganlarda bu ko‘rsatkich birinchi guruhdagilarga nisbatan 24 foizga yomonlashgan.
Ko‘k choy bilan olib borilgan tajribalar ham deyarli shunday ko‘rsatkichni qayd etdi. Bu ichimlikni kuniga kamida 5 finjon iste’mol qilgan erkak va ayollar bevaqt o‘lim xavfini 13 va 17 foizga kamaytirgan.
Izoh (0)