Япониялик шифокорлар олиб борган тадқиқот натижаларига кўра, кунига 1–2 финжон қаҳва ёки кўк чой ичган одамларда ўлим хавфи тетиклантирувчи ичимликни умуман истеъмол қилмайдиган ёки 3–4 финжон ва ундан ҳам кўп ичадиганларга нисбатан камроқ бўлиши аниқланди. Бу ҳақда «Koрреспондент.net» хабар қилмоқда.
Натижалар 90 мингдан ортиқ 40 дан 69 ёшгача бўлган эркак ва аёлларнинг кунлик озиқ-овқат маҳсулотлари ҳақида 19 йил давомида мунтазам ўтказилган сўровнома асосида олинди. Бу вақт давомида тадқиқотчилар респондентлар орасида ўлим даражасига баҳо берди. Тажрибада иштирок этганлар орасида ўлим сони 13 000 ни ташкил қилди.
Тадқиқотчилар олган натижаларга кўра, кунига 1–2 финжон қаҳва истеъмол қилиш ўлим хавфини 15 фоизга камайтиради. Қизиғи, кунига 3–4 финжон қаҳва ичганларда бу кўрсаткич биринчи гуруҳдагиларга нисбатан 24 фоизга ёмонлашган.
Кўк чой билан олиб борилган тажрибалар ҳам деярли шундай кўрсаткични қайд этди. Бу ичимликни кунига камида 5 финжон истеъмол қилган эркак ва аёллар бевақт ўлим хавфини 13 ва 17 фоизга камайтирган.
Изоҳ (0)