Makedoniya hukumati Kumanovo shahridagi hodisalar tufayli ikki kunlik milliy motam e’lon qildi, deya xabar bermoqda “RBK”. U yerda 9-may, shanba kuni to‘qnashuvlar ro‘y bergan, shuningdek terrorchilar guruhi yo‘q qilingan edi.
Makedoniya IIV aniqlik kiritishicha, shanba kuni 14 terrorchidan iborat guruh yo‘q qilingan, sakkiz nafar politsiyachi halok bo‘lgan, yana 37 nafari jarohat olgan.
Makedoniya hukumati binolariga hujum qilishni rejalashtirgan terrorchilik guruhi mamlakatga nomi oshkor qilinmayotgan qo‘shni davlatdan kelgan. Terrorchilar avtomat va granatalar bilan qurollangan. Politsiya operatsiyasi chog‘ida 20 nafar jangari taslim bo‘lgan.
Politsiya qolgan terrorchilarni qidirishda davom etmoqda.
Izoh (0)