Makedoniya shimolidagi Kumanovo shahrida o‘tkazilgan maxsus operatsiya natijasida sakkiz nafar politsiyachi halok bo‘ldi, yana 37 nafari yaralandi, deya xabar bermoqda “TASS”.
To‘rt nafar jangari yo‘q qilingan, 30 nafari muzokaralardan so‘ng huquq-tartibot organlariga taslim bo‘lgan. “RBK” esa yo‘q qilingan jangarilar sonini 14 kishi, taslim bo‘lganlarni 20 kishi deb ko‘rsatmoqda.
Mamlakat IIV rahbari yordamchisi Ivo Kotevskiy so‘zlariga ko‘ra, “bir nechta obyektga o‘rnashib olib, fuqarolar va butun mamlakat xavfsizligiga rahna solgan terrorchilik guruhi xavfsizlantirilgan va yo‘q qilingan”.
Izoh (0)