Shimoliy va Janubiy Koreya vakillari Moskvadagi Ikkinchi jahon urushidagi g‘alabaning 70 yilligiga bag‘ishlangan paradda qisqa suhbat o‘tkazdi, deb xabar qiladi “RIA Novosti”.
Moskvadagi marosimda KXDR nomidan Oliy xalq kengashi prezidiumi raisi Kim Yon Nam, Janubiy Koreyadan esa prezidentning maxsus vakili Yun San Xyon ishtirok etdi.
“G‘alaba paradidan so‘ng menda Kim [Yon Nam] bilan bir necha masalalar yuzasidan gaplashib olish imkoniyati tug‘ildi. Men ikki Koreya o‘rtasidagi munosabatlarni rivojlantirishni Janubiy Koreya hukumati chin dildan istayotganini tushuntirdim. Kim [Yon Nam] ikkala Koreya tinchlikka erishish va kelishmovchiliklarni bartaraf etish yo‘lini qidirishi kerakligini ta’kidladi”, — deb Yun San Xyonning so‘zlarini keltiradi “Yonxap” agentligi.
Moskvaga uchib kelishdan oldin janubiy koreyalik diplomat marosimlar vaqtida shimollik qo‘shnilari bilan uchrashish niyati yo‘qligini ma’lum qilgandi.
Izoh (0)