O‘zbekiston hukumati umumiy foydalanuvdagi xalqaro va davlat ahamiyatga ega avtomobil yo‘llarini kapital ta’mirlash bo‘yicha 2015-yilga mo‘ljallangan dasturni qabul qildi. Anons.uz’ning xabar berishicha, Vazirlar Mahkamasi bu haqdagi qarorni 1-may kuni qabul qilgan.
Hujjat avtomobil yo‘llari tarmog‘ini yanada rivojlantirish va takomillashtirish, umumiy foydalanuvdagi xalqaro va davlat ahamiyatiga molik avtomobil yo‘llarining yo‘l qoplamasini maqbul holatda saqlashni ta’minlash, shuningdek, ularni xalqaro transport koridorlariga keng integratsiya qilish maqsadida qabul qilingan.
Dasturga muvofiq O‘zbekiston 2015-yilda umumiy foydalanuvdagi xalqaro va davlat ahamiyatiga molik 111,6 kilometr avtomobil yo‘llarini ta’mirlashni rejalashtirmoqda.
Shuningdek, dastur doirasida O‘zbekiston hukumati 1312,2 pogon metr ko‘prik va yo‘l o‘tkazgichlarni ham ta’mirlashni maqsad qilgan.
Ushbu maqsadlar uchun hukumat 288,8 milliard so‘m yo‘naltiradi. Pul mablag‘lari O‘zbekiston Moliya vazirligi huzuridagi Respublika yo‘l jamg‘armasi tomonidan ajratiladi.
Izoh (0)