Toshkentda tovuq go‘shti ortilgan yuk mashinasining orqa eshigi ochilib qolib, tovuqlar yo‘l bo‘yi sochilib ketdi. Bu haqda Facebook’dagi “Voditeli Tashkenta” guruhi a’zolari xabar bermoqda.
Postga ilova qilingan suratlarda yuk mashinasidan tushib qolgan tovuq go‘shtlari ko‘cha o‘rtasida 20—30 metrcha masofada sochilib yotganini, haydovchi mashinani bir chetga to‘xtatib, tovuqlarni terib yurganini ko‘rish mumkin.
“Tovuqxonadan qochish. Tashkent edition”, — deya hazilomuz izoh qoldirdi post muallifi. Uning yozishicha, hodisa poytaxtning “Hamza” va “Milliy bog‘” metro bekatlari oralig‘ida sodir bo‘lgan.
Foydalanuvchilarning ko‘pchiligi hodisaga yengil yondashib, hazilomuz fikrlar qoldirgan bo‘lsa, ba’zilar esa sanitariya jihatidan endi yaroqsiz holga kelgan tovuqlar qayerga yetkazib berilishiga qiziqdi.
Izoh (0)