Польшада президент сайлови бошланди

Польшада президент сайловлари бошланди. Korrespondent.net’нинг хабар беришича, сайловчилар маҳаллий вақт билан 7:00дан 21:00гача овоз беришлари мумкин.

Польшаликлар 10 май куни бўладиган сайловларда 11 номзоддан бирини сайлашлари керак бўлади. Президентликка номзодини қўйганлар орасида мамлакатнинг амалдаги президенти Бронислав Коморовский ҳам бор. Унинг номзоди «Ҳуқуқ ва адолат» миллий-консерватив партиясидан томонидан илгари сурилган.

Сайловда амалдаги президентга Анжей Дуда, Магдалена Огурек (Сўл демократик кучлар кўмагида), Адам Ярубас (Польша деҳқонлар партиясидан), Мариан Ковалский («Миллий ҳаракат»дан), Януш Паликот («Сенинг ҳаракатинг» партиясидан), Януш Корвин-Микке (КОРWиН партиясидан), Павел Кукиз (мустақил номзод), Яцек Вилк (Янги ўнглар конгрессидан), Павел Танайно («Бевосита демократия»дан) ва Гжегож Браун (мустақил номзод) рақобат кўрсатади.

Агар 10 май куни бўлиб ўтадиган сайловда номзодларнинг ҳеч бири сайловчилар ярмининг овозини қўлга кирита олмаса, 24 май куни сайловнинг иккинчи тури бўлиб ўтади.