Yetti karra “Formula-1” chempioni Mixael Shumaxerning rafiqasi poygachining shaxsiy samolyotini 25 million funt (34 million yevro)ga sotdi, deya xabar bermoqda “Kommersant”. Shuningdek Norvegiyadagi dala-hovli ham sotib yuborildi.
Korinna Shumaxer eri samolyotdan endi hech qachon foydalana olmasligini anglagach, uni sotishga qaror qilgan. Poygachini davolayotgan shifokorlar u olgan jarohatlardan tamoman tuzalib ketishi amri mahol ekanligi haqida xulosaga keldi.
Avvalroq Korinna Shumaxer Norvegiyaning Tryuile hududida joylashgan oilaviy uyini qariyb 3 million dollar evaziga sotgani xabar qilingan edi.
Eslatib o‘tamiz, sportchi 2013-yilning oxirida Alp tog‘larida chang‘idan yiqilib, o‘ta og‘ir jarohat olgan edi. U olti oy sun’iy koma holatida yotdi. 2014-yil sentabrida esa Jeneva ko‘li bo‘yidagi uyiga olib kelinib, tiklanish muolajalarini olishni boshladi.
Qayd etilishicha, Shumaxer hozirda to‘liq to‘shakka mixlanib qolmagan, u muolajalar orasida deraza oldida o‘tirishi mumkin. Shuningdek, u qarindoshlarini taniy boshlagan, biroq yuz mushaklaridan olgan jarohati bois gapira olmaydi.
Izoh (0)