WBA talqini bo‘yicha superog‘ir vaznda doimiy jahon chempioni hisoblangan Ruslan Chagayev 2015-yil 11-iyul kuni Germaniyaning Magdeburg shahridagi GETEC Arena’da o‘z sovrinini ko‘ngilli ravishda himoya qiladi. Bu haqda 12news.uz xabar bermoqda.
Shu kuni 90,7 kilogrammdan ortiq vazn toifasida italiyalik Franchesko Pyaneta (31ta g‘alaba (17tasi nokaut bilan), 1 durang, 1 mag‘lubiyat) Chagayevga qarshi ringga ko‘tariladi.
2014-yilning iyulida Chagayev Checheniston poytaxti Grozniyda bo‘lib o‘tgan jangda Fres Okendani mag‘lub etib, WBA talqini bo‘yicha doimiy jahon chempioni kamarini qo‘lga kiritgan edi.
36 yoshli Chagayev hozirgi qadar professional ringda 33ta g‘alabaga erishgan (ushbu g‘alabalarning 20tasida Chagayev raqiblarini nokautga uchratgan), ikki marta mag‘lub bo‘lgan va bir marta durang o‘ynagan.
Eslatib o‘tamiz, Chagayev kamar himoyasi uchun jangni avstraliyalik Lukas Braunga (22 g‘alaba (19tasi nokaut bilan), 0 mag‘lubiyat) qarshi o‘tkazishi kerak edi, biroq tomonlar ushbu jangni o‘tkazish borasida bir to‘xtamga kela olishmadi.
Izoh (0)