O‘zbekiston FIFA reytingida bir pog‘ona yuqoriladi

FIFA rasmiy sayti terma jamoalarning aprel oyi uchun reytingini e’lon qildi, deb yozadi “Uff.uz”.

Unga ko‘ra, O‘zbekiston milliy terma jamoasi avvalgi oydagi reytingga nisbatan bir pog‘ona yuqorilab, 72-o‘ringa ko‘tarilgan. Ayni vaqtda Mirjalol Qosimov boshchiligidagi terma jamoa 476 ochkoga ega. Osiyoda esa O‘zbekiston hamon oltinchi o‘rinda.

Osiyo qit’asida Eron birinchi o‘rinda (40-o‘rin), Yaponiya ikkinchi (50), J.Koreya esa uchinchi o‘ringa tushdi (57), Avstraliya terma jamoasi 64-o‘rinda. BAA 68-pog‘onada.

Amaldagi Jahon chempionlari Germaniya terma jamoasi umumiy ro‘yxatda birinchi o‘rinda bormoqda. Ikkinchi o‘rinda Argentina joylashgan. Belgiya terma jamoasi uchinchi o‘rindan joy olgan.