Krishtianu Ronaldu Nepaldagi zilzila jabrlanuvchilariga 7 million yevro ajratdi

Madridning “Real” futbol klubi hujumchisi Krishtianu Ronaldu xayriya ishlarida ishtirok etishga qaror qildi, deya xabar bermoqda “Segodnya.ua”.

O Jogo’ning xabar berishicha, portugaliyalik futbolchi Nepaldagi zilziladan zarar ko‘rgan kishilarga 7 million yevro miqdorida xayriya mablag‘i ajratgan.

Dastlab, Krishtianu Ronaldu ijtimoiy tarmoqlarning birida odamlarni Nepaldagi zilziladan zarar ko‘rganlarga yordam berishga chaqirgan edi.

Oradan ko‘p o‘tmay esa barchaga namuna ko‘rsatishga qaror qildi va Nepaldagi zilzila jabrlanuvchilari uchun katta miqdorda xayriya puli ajratdi.

Eslatib o‘tamiz, Nepalda 25-aprel kuni ro‘y bergan 7,8 magnitudali zilzila natijasida halok bo‘lganlar soni 7,7 mingdan, jabrlanuvchilar soni esa 14 mingdan oshdi.