BMT bosh kotibining Ebola bo‘yicha maxsus vakili Devid Navarro fikricha, Afrika g‘arbida ushbu halokatli virus natijasida kelib chiqqan kasallik epidemiyasi yakuniga yetmoqda. Bu haqda “TASS” xabar berdi.
“Barchasi yakunga qarab ketyapti, lekin biz bu qachon bo‘lishini bilmaymiz. Bu tez bo‘lishiga umid qilganimiz ham yo‘q”, — dedi u Dakardagi matbuot anjumanida.
Ta’kidlash joiz, aprel oyining so‘nggi haftasida 2014-yil o‘rtalaridan buyon birinchi marta 20 tadan kam kasallanish holatlari aniqlangan — Gvineya va Syerra-Leonedan 9 tadan bunday holatlar qayd etilgan.
Jahon sog‘liqni saqlash tashkilotining so‘nggi ma’lumotlariga ko‘ra, 1,5 yil ichida Ebola tufayli 10 980 kishi vafot etdi, 26,5 mingdan ortig‘i kasallikni yuqtirdi.
Izoh (0)