BMT bosh kotibi Pan Gi Munning 8-may kuni Ukrainaga qiladigan tashrifi uning Shaqiy Yevropa bo‘ylab turnesining bir qismidir, deya xabar bermoqda “Korrespondent.net”.
Ukraina tashqi ishlar vazirligi spikeri Yevgeniy Perebiynis so‘zlariga ko‘ra, tashrif chog‘ida Minsk kelishuvlari, tinchlikparvarlar va gumanitar yordam masalalari muhokama qilinadi.
Pan Gi Mun shu hafta davomida Sharqiy Yevropa turnesi doirasida Polsha, Ukraina va Rossiyaga safar uyushtiradi. U har uchala mamlakatdagi Ikkinchi Jahon urushi yakunlanganining 70 yilligiga bag‘ishlangan tantanalarda ishtirok etadi.
Kiyevda bosh kotib Ukraina prezidenti Pyotr Poroshenko va boshqa yuqori lavozimli mansabdorlar bilan uchrashadi.
Izoh (0)