Google’dagi mamlakatlar bo‘yicha eng ommabop mahsulot va xizmatlar dunyoning siyosiy xaritasiga tushirildi

Fixr.com servisi yaratuvchilari dunyoning turli mamlakatlarida qaysi mahsulotlar narxlari Google foydalanuvchilarini qiziqtirishini aniqladi va o‘z tadqiqotlari natijalarini siyosiy xaritaga tushirdi, deb yozadi TJournal.

Fixr.com vakillari ta’kidlashicha, ularning tadqiqotini ilmiy deb atab bo‘lmaydi, chunki xaritani yaratishda Google’da berilgan ommabop so‘rovlar haqidagi ma’lumotlardan foydalanilgan.

Dunyoning har bir mamlakati uchun qidiruv satriga “*qancha turadi [mamlakat]da” jumlasi kiritildi. Shu tariqa, Fixr.com Rossiyadagi odamlar eng ko‘p MiG qiruvchi samolyotida uchish qanchaga tushishi, Hindistonda — sigir sotib olish, Buyuk Britaniyada — ta’lim olish, Gayanada — dafn marosimini o‘tkazish narxlari bilan qiziqqanligini aniqladi.