Qozog‘iston prezidenti Nursulton Nazarboyev 29-aprel, chorshanba kuni parlament majlisi fraksiyasi rahbarlari bilan uchrashuv o‘tkazdi, deb xabar qiladi “Nur.kz”.
Qozog‘iston prezidenti o‘z lavozimiga kirishganidan so‘ng konstitutsiyaga ko‘ra, mamlakat hukumati, prezidentga bevosita bo‘ysunuvchi va hisob beruvchi davlat idoralari rahbarlari, Ostona, Olma-ota shaharlari va viloyat hokimlari iste’foga chiqdi.
Davlat rahbari mamlakat oldiga qo‘yilgan vazifalarni amalga oshirishning zaruratini hisobga olib, hukumat boshlagan ishini davom ettirishi lozimligini ta’kidlab o‘tdi. Shu sababli Qozog‘iston prezidenti hukumat va parlamentning o‘zaro uyg‘unlikda ishlashi muhimligini qayd etgan holda bosh vazir lavozimiga Karim Masimov nomzodini taklif qildi.
“Xalq kommunistlari” fraksiyasi rahbari Kosarev, “ Ak jol” Qozog‘iston Demokratik partiyasi fraksiyasi rahbari Peruashev va “Nur Otan” fraksiyasi rahbari Dariga Nazarboyeva Masimovning nomzodini qo‘llab-quvvatladi.
Hozirgi hukumatning tarkibi 2014-yilning aprelida tuzilgandi. Karim Masimov 2014-yil 2-aprelda bosh vazir etib tayinlangandi.
Izoh (0)