Shimoliy Koreya rahbari Kim Chen In “Inxasu” milliy orkestrining to‘rt nafar musiqachisini qatl etishni buyurgani ma’lum bo‘ldi. Ular orasida ansambl rahbari ham bo‘lgan. Ularni mart oyida josuslikda ayblab otib tashlashdi, deya xabar bermoqda Meduza Yonhap agentligiga tayanib. Agentlikka bu haqda Janubiy Koreya parlamenti deputati gapirib bergan.
Boshqa bir deputat esa musiqachilar Kim Chen In oilasiga taalluqli sirlarni oshkor qilgani uchun otilganini aytdi. Parlamentariylar bu haqda razvedka vakillari orqali xabar topgan.
“Inxasu” orkestrida Kim Chen Inning bo‘lajak rafiqasi kuylagan. 2013-yilda uning ba’zi musiqachilari pornografiya tayyorlashda ayblanib, otib tashlangani haqida xabarlar paydo bo‘lgan edi. Taxminlarga ko‘ra, ularni bunga aloqador bo‘lgan KXDR rahbari xotinidan gumonlarni uzoqlashtirish uchun qatl etishgan.
Izoh (0)