O‘zbekistonning birinchi raqamli tennischisi Denis Istomin Turkiyaning Istanbul shahridagi TEB BNP Paribas Istanbul Open turnirining ikkinchi bosqichiga yo‘l oldi, deb xabar beradi UzDaily.
Musobaqaning birinchi davrasida Istomin fransiyalik Benua Perni 6:3 va 6:4 hisoblarida yengdi.
Raqiblar kortda roppa-rosa bir soat bahslashdi. Bellashuv davomida Denis Istomin beshta eysni va uchta breykni amalga oshirdi. U biron marta ham qo‘sh xatoga yo‘l qo‘ymadi.
Benua Per esa o‘z navbatida ikkita eysni amalga oshirdi, bir marotaba raqibi to‘p oshirgan geymni yutib oldi va ikki marta qo‘sh xatoga yo‘l qo‘ydi. Bu raqiblarning o‘zaro birinchi to‘qnashuvi bo‘ldi.
Ikkinchi davrada Istomin braziliyalik Tomaz Beluchchiga qarshi kortga chiqadi.
Eslatib o‘tamiz, o‘zbekistonlik Denis Istomin o‘tgan haftada Ruminiya poytaxti Buxarest shahrida bo‘lib o‘tgan turnirning yakkalik va juftlik bahslarida birinchi davradan keyinoq musobaqadagi ishtirokini yakunlagandi.
Izoh (0)