Polshadagi musobaqada o‘zbekistonlik yengil atletikachi jahon chempionatiga yo‘llanma oldi

Polshada an’anaviy tarzda o‘tkazilib kelinayotgan “Varshava xalqaro marafoni” bo‘lib o‘tdi. Uchinchi bor tashkil etilgan mazkur nufuzli musobaqada joriy yilning 22—30-avgust kunlari Xitoyda o‘tkaziladigan Jahon chempionatining yo‘llanmalari ham o‘ynaldi, deb xabar qiladi Milliy Olimpiya qo‘mitasi matbuot xizmati.

Uzoq masofaga yugurish bo‘yicha bo‘lib o‘tgan musobaqada O‘zbekiston sharafini himoya qilgan Sitora Hamidova 2:41,49 natija bilan 8-o‘rinni egalladi va belgilangan me’yorni bajargan holda Jahon chempionatiga yo‘llanma oldi.

Mazkur musobaqada efiopiyalik Fatuma Sado marra chizig‘iga birinchi bo‘lib yetib kelib, g‘oliblikka erishdi.