Poytaxtimizdagi “O‘zbekiston” sport saroyida klublar o‘rtasida o‘tkazilgan Osiyo chempionati yakuniga yetdi. Ikkinchi marotaba o‘tkazilgan mazkur musobaqada qit’aning yigirmaga yaqin davlatidan kelgan 450 nafar sportchi g‘oliblik uchun kurash olib bordi, deb xabar beradi Milliy Olimpiya qo‘mitasi matbuot xizmati.
Jamoaviy kumite (yakkama-yakka kurash) bo‘yicha xotin-qizlar o‘rtasida bo‘lib o‘tgan musobaqada oltin medalga sazovor bo‘lgan vakillarimiz, kata (ko‘rgazmali chiqish) bahslarida bronza medali bilan taqdirlandi. Erkaklar o‘rtasidagi jamoaviy kumite bahslarida esa terma jamoamiz kumush medal sovrindori bo‘ldi.
Shu tariqa, o‘ta murosasiz kurashlarga boy kechgan klublar o‘rtasidagi Osiyo chempionatida O‘zbekiston terma jamoasi umumjamoa hisobida ikkinchi o‘rinni egalladi. Birinchi o‘rinni Eron terma jamoasi band etgan bo‘lsa, uchinchi o‘rin Qozog‘iston vakillariga nasib etdi.
Izoh (0)