AQShning Kaliforniya shtatida yashovchi Molli Shayler ismli ayol 20 daqiqadan kamroq vaqt ichida uchta ikki kilogrammlik steykni garniri bilan paqqos tushirdi, deya xabar bermoqda UPI. Bu o‘tgan dam olish kunlari Texas shtatida o‘tkazilgan musobaqalarda sodir bo‘ldi.
Vazni 60 kilogrammga yetmaydigan Shayler steyklardan tashqari, uch porsiya salat, toblab pishirilgan kartoshka va mayda qisqichbaqadan tayyorlangan kokteylni yeb bitirdi.
Ta’kidlanishicha, steyk yeyish bo‘yicha musobaqada ayol avvalgi yillari o‘zi o‘rnatgan rekordlarning ba’zilarini yangilashga muvaffaq bo‘ldi. 2014-yilda u 15 daqiqada ikkita steykni yeyishga ulgurgan edi. Shu bilan birga, ularning birinchisini yeyishga o‘tgan yili 4 daqiqa-yu 58 soniya, bu yil esa 4 daqiqa-yu 18 soniya vaqt ketdi.
Izoh (0)