O‘rtayer dengizida halok bo‘lgan noqonuniy muhojirlar soni 2015-yilda 30 ming kishiga yetishi mumkin. Bu haqda “RIA Novosti” xabar bermoqda.
BMTning Xalqaro migratsiya tashkiloti (XMT) rasmiy vakili Joel Millman so‘zlariga ko‘ra, bu 2014-yildagi ko‘rsatkichdan o‘n barobar ko‘p.
Millmanning qayd etishicha, yil boshidan beri O‘rtayer dengizida 1727 nafar muhojir qurbon bo‘lgan. 2014-yili 3 mingdan ortiq muhojir Yevropa sohillariga yetib kelmay, O‘rtayer dengizi suvlarida halok bo‘lgandi.
O‘rtayer dengizida 17-aprelning o‘zida 400 noqonuniy muhojir va yana 50 kishi halok bo‘lgan. XMT kuni kecha Liviya sohillari yaqinida bortida jami 500ga yaqin kishi bo‘lgan uchta kema og‘ir ahvolda qolgani haqida axborot olgan.
Bundan tashqari, yakshanbaga o‘tar kechasi Liviya sohillari yaqinida yana 770 kishi cho‘kib ketgan. Ayni vaqtda, BMTning Qochoqlar ishlari bo‘yicha agentligi ma’lumotlariga ko‘ra, cho‘kib ketgan kemada 850 kishi bo‘lgan, ularning faqat 28 nafari qutqarib qolingan, “kema halokati qurbonlari soni 800 kishidan oshib ketgan”.
Izoh (0)