AQSH 2030-yil arafasida ham jahonning eng yirik iqtisodiyoti maqomini saqlab qoladi, biroq jahon yalpi ichki mahsuloti (YIM)dagi AQSHning ulushi 2015-yildagi 23 foizdan 20 foizgacha qisqaradi. Bu haqda Bloomberg xabar bermoqda.
Xabar berishlaricha, AQSH Qishloq xo‘jaligi vazirligi jahonning iqtisodiy jihatdan eng rivojlangan 20 mamlakati YIMlari o‘sishining 2030-yilgacha bo‘lgan makroiqtisodiy prognozini tayyorlagan.
Ushbu prognozga ko‘ra, AQSH yetakchilikni saqlab qoladi, 2030-yilga borib mamlakat YIM hajmi 24,8 trillion dollarga yetadi.
Ikkinchi o‘rinni esa 22,2 trillion dollarlik YIM bilan Xitoy egallaydi.
Prognozga ko‘ra, uchinchi o‘rinni 6,6 trillion dollar hajmidagi YIM bilan Hindiston egallaydi. Xalqaro valyuta jamg‘armasining qayd etishicha, keyingi 15 yil davomida jahondagi eng qudratli ishlab chiqarish quvvatlari aynan Hindistonda bo‘ladi.
Rossiya 2030-yilga borib, Kanada va Braziliyani oldinga o‘tkazib yuborgani holda, 2,4 trillion dollarlik YIM bilan 10-o‘rinni egallaydi.
Izoh (0)