“Toshkent – O‘sh” avtomagistralining Namangan viloyati Pop tumani hududidan o‘tgan 183-kilometrida 8-aprel kuni soat 8:30da ro‘y bergan fojeali avtoholat natijasida 11 kishi halok bo‘ldi. Bu haqda UZ24 xabar bermoqda.
Namangan viloyati Ichki ishlar boshqarmasi ma’lumotlariga ko‘ra, MAN yuk avtomobilining 62 yoshli haydovchisi boshqaruvni yo‘qotib, qarama-qarshi qatnov qismiga chiqib ketgan va ikkita Nexia yengil avtomobili bilan to‘qnashgan. Har bir Nexia’ning ichida, haydovchidan tashqarida, to‘rt nafardan yo‘lovchi bo‘lgan.
To‘qnashuv natijasida 10 kishi hodisa joyida halok bo‘lgan. Yuk mashinasi haydovchisi bilan birga bo‘lgan yo‘lovchi ham olingan jarohatlar ta’sirida vafot etgan. Ushbu hodisada faqat yuk mashinasi haydovchisi omon qolgan.
Xabar berishlaricha, MAN haydovchisi hozirgi vaqtda Pop tumani kasalxonasiga joylashtirilgan – unga bosh miya chayqalishi va oyoq kaftining ochiq sinishi tashxisi qo‘yilgan. Haydovchiga nisbatan Jinoyat kodeksining 266-moddasiga asosan jinoyat ishi ochilgani aytilmoqda.
YTH natijasida halok bo‘lganlar ro‘yxati:
- Alimov Xursanali, 1981-yilda tug‘ilgan – Nexia haydovchisi;
- Qulmatov Rasuljon, 1952-yilda tug‘ilgan – Nexia yo‘lovchisi;
- Bo‘tayev Akbar, 1962-yilda tug‘ilgan – Nexia yo‘lovchisi;
- Doniyorova Xolisxon, 1960-yilda tug‘ilgan – Nexia yo‘lovchisi;
- Pak Dmitriy, 1981-yilda tug‘ilgan – Nexia yo‘lovchisi;
- Shukurov Ilhom, 1976-yilda tug‘ilgan – Nexia haydovchisi;
- Pazliddinov Ilhom, 1991-yilda tug‘ilgan – Nexia yo‘lovchisi;
- Ismoilov Bobur, 1993-yilda tug‘ilgan – Nexia yo‘lovchisi;
- Jo‘rayev Sodiq, 1992-yilda tug‘ilgan – Nexia yo‘lovchisi;
- A’zamov Abdurahim, 1955-yilda tug‘ilgan – Nexia yo‘lovchisi;
- Rizayev Ma’mur, 1969-yilda tug‘ilgan – MAN yuk mashinasi yo‘lovchisi.
Izoh (0)