«Тошкент – Ўш» автомагистралининг Наманган вилояти Поп тумани ҳудудидан ўтган 183-километрида 8 апрель куни соат 8:30да рўй берган фожеали автоҳолат натижасида 11 киши ҳалок бўлди. Бу ҳақда UZ24 хабар бермоқда.
Наманган вилояти Ички ишлар бошқармаси маълумотларига кўра, MAN юк автомобилининг 62 ёшли ҳайдовчиси бошқарувни йўқотиб, қарама-қарши қатнов қисмига чиқиб кетган ва иккита Nexia енгил автомобили билан тўқнашган. Ҳар бир Nexia’нинг ичида, ҳайдовчидан ташқарида, тўрт нафардан йўловчи бўлган.
Тўқнашув натижасида 10 киши ҳодиса жойида ҳалок бўлган. Юк машинаси ҳайдовчиси билан бирга бўлган йўловчи ҳам олинган жароҳатлар таъсирида вафот этган. Ушбу ҳодисада фақат юк машинаси ҳайдовчиси омон қолган.
Хабар беришларича, MAN ҳайдовчиси ҳозирги вақтда Поп тумани касалхонасига жойлаштирилган – унга бош мия чайқалиши ва оёқ кафтининг очиқ синиши ташхиси қўйилган. Ҳайдовчига нисбатан Жиноят кодексининг 266-моддасига асосан жиноят иши очилгани айтилмоқда.
ЙТҲ натижасида ҳалок бўлганлар рўйхати:
- Алимов Хурсанали, 1981 йилда туғилган – Nexia ҳайдовчиси;
- Қулматов Расулжон, 1952 йилда туғилган – Nexia йўловчиси;
- Бўтаев Акбар, 1962 йилда туғилган – Nexia йўловчиси;
- Дониёрова Холисхон, 1960 йилда туғилган – Nexia йўловчиси;
- Пак Дмитрий, 1981 йилда туғилган – Nexia йўловчиси;
- Шукуров Илҳом, 1976 йилда туғилган – Nexia ҳайдовчиси;
- Пазлиддинов Илҳом, 1991 йилда туғилган – Nexia йўловчиси;
- Исмоилов Бобур, 1993 йилда туғилган – Nexia йўловчиси;
- Жўраев Содиқ, 1992 йилда туғилган – Nexia йўловчиси;
- Аъзамов Абдураҳим, 1955 йилда туғилган – Nexia йўловчиси;
- Ризаев Маъмур, 1969 йилда туғилган – MAN юк машинаси йўловчиси.
Изоҳ (0)