Sayyoramizning eng keksa ayoli amerikalik Gertruda Uiver AQSh prezidenti Barak Obamani o‘zining 117-tug‘ilgan kuniga taklif qildi, deya xabar bermoqda “RIA Novosti”.
“U prezident bilan uchrashishga juda ishtiyoqmand. Gertruda u uchun ikki marta ovoz bergan. Biz unga tug‘ilgan kun uchun taklifnoma jo‘natamiz”, — dedi Gertruda Uiver yashayotgan qariyalar uyi xodimasi.
Eslatib o‘tamiz, 5-mart kuni 117 yoshini nishonlagan va Yerdagi eng keksa hisoblangan yaponiyalik Misao Okava 1-aprel kuni ertalab vafot etdi. Endi Yerdagi eng keksa ayol 116 yoshli Arkanzas (AQSh) fuqarosi Gertruda Uiver bo‘ladi. Yaqin orada u rasman Ginnesning Rekordlar kitobiga kiritiladi.
Ta’kidlash joiz, Qoraqalpog‘iston Respublikasining To‘rtko‘l tumanida istiqomat qiluvchi To‘ti Yusupova ham 135 yoshida vafot etdi. Biroq u Ginnesning Rekordlar kitobiga kiritilmagan edi.
Izoh (0)