Turkmanistonning ilk kosmik yo‘ldoshi Amerika kompaniyasi tomonidan 30-martda uchiriladi

Turkmanistonning birinchi aloqa kosmik yo‘ldoshi “TurkmenAlem” (“Turkman olami”)ni uchirish Amerikaning SpaceX xususiy kompaniyasiga topshirildi, deya xabar bermoqda “TASS” AQSh elchisi Allan Mastardga tayanib. Parvoz 30-mart kuni Kanaveral burnidagi kosmodromda amalga oshiriladi.

Turkmaniston hududida koinotdan bo‘ladigan aloqani ayni paytda Rossiyaning “Yamal” sun’iy yo‘ldoshi ta’minlab turibdi.

2009-yili mamlakat prezidenti Gurbanguli Berdimuhammedov internet va televideniye rivojlanishiga turtki berish maqsadida milliy kosmik yo‘ldosh ishlab chiqish qarori haqida e’lon qilgan edi. 2011-yilda Fransiyaning Thales Alenia Space kompaniyasi Spacebus 4000 bazasidagi qurilmani loyihalashtirishga kirishgan edi.