Finlyandiya tashqi ishlar vaziri tezlikni oshirgani uchun jarimaga tortildi

Finlyandiya tashqi ishlar vaziri Erkki Tuomiyani tezlikni oshirgani uchun jarimaga tortishdi, deya xabar bermoqda Yle. TIV rahbari soatiga 40 kilometrgacha tezlikda harakatlanish ruxsat etilgan joyda tezlikni 49 kilometrgacha oshirgan.

Tuomiya so‘zlariga ko‘ra, hodisa 2014-yilning sentabrida ro‘y bergan. Vazirni to‘xtatgan politsiyachilar texnik ko‘rik taloni muddati deyarli yarim yilga o‘tib ketganini ham aniqlagan.

“Texnik ko‘rik bor-yo‘qligini tekshirib ko‘rmaganim o‘zimning aybim, albatta, biroq bunaqasi bo‘lib turadi”, — deya ta’kidladi vazir. Tuomiya to‘lashiga to‘g‘ri kelgan jarimaning aniq miqdori oshkor etilmadi.