Associated Press agentligi Minskda davom etayotgan “normandcha to‘rtlik” muzokaralarida ko‘rib chiqilayotgan asosiy jihatlarni aniqlashga muvaffaq bo‘ldi, deb xabar bermoqda “Korrespondent.net”.
The Telegraph gazetasining agentlikka tayanib ma’lum qilishicha, Ukraina ajratish chizig‘i sentabrda kelishilganidek qolishini istamoqda. Rossiya esa ayirmachilar o‘zlari egallagan hududlarini saqlab qolishini talab qilmoqda. Texnikalarni olib chiqish masalasida esa Rossiya Ukrainda na harbiylari, na texnikasi yo‘qligini ta’kidlamoqda.
Bundan tashqari, Ukraina Rossiyadan qurol-yarog‘ o‘tishini to‘xtatish maqsadida chegarani nazorat qilishni istamoqda. Rossiya esa chegaraning asosiy qismlarini ayirmachilar nazorat qilishi lozimligini ma’lum qilgan. Ayirmachilar nazoratidagi viloyatlarga muxtoriyat berilishi masalasida Ukraina tayyorligini bildirgan, Rossiya esa mamlakat sharqi uchun qo‘yilgan moliyaviy to‘siqlar ham olinishini istamoqda.
Umuman, “normand to‘rtligi” yakunda o‘ndan ortiq banddan iborat hujjat imzolashi kutilmoqda. Muzokaralarga yaqin diplomatik manbaning ma’lum qilishicha, hujjat qanday atalishidan qat’i nazar unda vaziyatni hal qilish bo‘yicha aniq choralar aks etadi.
Izoh (0)