TransAsia kompaniyasi rahbariyati Tayvanning Taybey shahri tashqarisida halokatga uchragan layner qurbonlari qarindoshlariga jami 416 ming yevro to‘laydi, deya xabar bermoqda Interfax G‘arb OAVlariga tayanib.
Havo kemasi bortida jami 58 kishi — 5 nafar ekipaj a’zolari va 53 nafar yo‘lovchi bo‘lgan.
Ikki motorli samolyot Taybeydan Tayvan bo‘g‘ozidagi Szinmen arxipelagiga ichki reysni amalga oshirayotgan bo‘lgan. “Sunshan” aeroportidan uchib ketish vaqtida layner boshqaruvni yo‘qotgan. Chap qanoti bilan yonboshqa og‘ib qolgan samolyot osma ko‘prikni turtib o‘tgan va daryoga qulagan.
Aviahalokatda 15 kishi tirik qolgan. 42 yo‘lovchi halok bo‘lgan, bir kishi bedarak yo‘qolgan deb e’lon qilingan.
Izoh (0)