Finlyandiyadagi o‘rtacha IQ ko‘rsatkichi 1997-yildan buyon o‘smayapti. Bu haqda mamlakatdagi YIe teleradiokompaniyasiga tayanib, “Rossiyskaya gazeta” xabar berdi.
2013-yildagi tadqiqot natijalari shuni ko‘rsatdiki, aholining aql-idrok darajasi pasayishi barcha shimoliy mamlakatlarda, Avstraliya, Buyuk Britaniya, AQSh va Gollandiyada kuzatilmoqda. Boshqa G‘arb mamlakatlarida esa aholi aql-idroki o‘sishda davom etmoqda.
“O‘nlab yillar davomida G‘arb mamlakatlari aholisi o‘rtasida aql-idrok koeffitsiyenti oziq-ovqatning yaxshilanishi, ta’lim va sog‘liqni saqlash darajasining oshishi hisobiga doimiy ravishda o‘sib kelgan. Biroq qator G‘arb mamlakatlarida aql-idrok o‘sishdan to‘xtadi va hattoki tushib keta boshladi”, — dedi Xelsinki universiteti adyunkt-professori Markus Yokela.
Olimlar hozircha ushbu hodisaning aniq sababini ayta olmayapti.
Izoh (0)