Isroil bosh vaziri BMTni G‘azodagi qonunbuzarliklar haqidagi hisobotni e’lon qilmaslikka chaqirdi

Inson huquqlari bo‘yicha BMT kengashi komissiya rahbari Uilyam Shabas iste’foga chiqishi munosabati bilan o‘tgan yili G‘azo sektorida bo‘lib o‘tgan janglar chog‘ida xalqaro huquq me’yorlari buzilishi ustidan olib borilgan tekshiruv natijalarini e’lon qilishdan bosh tortishi kerak. Bu haqda Isroil bosh vaziri Binyamin Netanyaxu 3-fevral, seshanba kuni aytib o‘tdi, deb yozadi Interfax.

U Inson huquqlari bo‘yicha BMT kengashini aksilisroil organi deb atadi va u o‘z qarorlari orqali inson huquqlariga butkul aloqador emasligini ko‘rsatib berganini ta’kidladi.

Shabas rahbarligidagi komissiya 2014-yilda G‘azo sektoridagi Falastin-Isroil nizolari davrida tuzilgan edi. U hisobotni shu yilning martida chop etishi kerak.