Инсон ҳуқуқлари бўйича БМТ кенгаши комиссия раҳбари Уильям Шабас истеъфога чиқиши муносабати билан ўтган йили Ғазо секторида бўлиб ўтган жанглар чоғида халқаро ҳуқуқ меъёрлари бузилиши устидан олиб борилган текширув натижаларини эълон қилишдан бош тортиши керак. Бу ҳақда Исроил бош вазири Биньямин Нетаньяху 3 февраль, сешанба куни айтиб ўтди, деб ёзади Interfax.
У Инсон ҳуқуқлари бўйича БМТ кенгашини аксилисроил органи деб атади ва у ўз қарорлари орқали инсон ҳуқуқларига буткул алоқадор эмаслигини кўрсатиб берганини таъкидлади.
Шабас раҳбарлигидаги комиссия 2014 йилда Ғазо секторидаги Фаластин-Исроил низолари даврида тузилган эди. У ҳисоботни шу йилнинг мартида чоп этиши керак.
Изоҳ (0)