Toshkent hayvonot bog‘iga Farg‘ona ko‘chma sirkidan Simba laqabli to‘rt oylik yo‘lbars bolasi keltirildi, deya xabar bermoqda muassasa matbuot xizmati.
Simba uzoq yo‘ldan horigani va qo‘rqib qolgani uchun uni bog‘dagi uch oylik yo‘lbarschalar — Sherxon va Osiyo bilan bitta joyga joylashtirishga qaror qilishdi. “Ular bir-biriga tez ko‘nikib, tug‘ishgan inilar kabi inoqlashib ketdi”, — deyiladi xabarda.
Bir hafta o‘tib, ularga Termiz hayvonot bog‘idan yuborilgan Daryo laqabli yo‘lbars bolasi ham qo‘shildi. Uch oydan buyon ular birga o‘ynab, birga ovqatlanib yashamoqda.
Ayni paytda ular shaxsiy xususiyatlari va o‘zaro yaqinliklaridan kelib chiqib, juft-juft qilib joylashtirildi.
Izoh (0)