AQShlik neft magnati Harold Hammning sobiq rafiqasi shov-shuvli ajrashish ishi chog‘ida 974 790 317 dollarlik chekdan voz kechdi, deb yozadi “RBK”. Avvalroq Syu Enn Arnall bundan ancha kattaroq summaga da’vo qilayotganini aytgan edi.
Sud noyabr oyida Continental Resources neft-gaz kompaniyasi xo‘jayini Hamm sobiq xotiniga deyarli bir milliard dollar to‘lashi kerakligi haqida hukm chiqargan, biroq Arnall apellyatsiya berib, sudya uning ulushini past baholaganini ma’lum qilgan edi.
Uning apellyatsiya berganidan xabar topgach, Hamm sud hukmini bajarmoqchi bo‘lib, unga belgilangan summa uchun chek yozib berdi, biroq Arnall uni qabul qilishdan bosh tortdi.
Forbes versiyasiga ko‘ra, Hamm eng boy amerikaliklar ro‘yxatida 18,7 milliard dollarlik davlati bilan 24-o‘rinni egallagan.
Izoh (0)