AQShda prezidentlikka saylovlardan oldidan tashkil qilingan kampaniya ishtirokchisi Kim Chen In va KXDR xalqiga ochiq xat yozib, Shimoliy Koreya yetakchisiga nisbatan suiqasd uyushtirilishi haqida hikoya qiluvchi Gollivudning shov-shuvli “Intervyu” filmi uchun uzr so‘radi. Bu haqda “TASS” xabar berdi.
2016-yilgi saylovlarda qatnashish uchun ariza bergan Mettyu Pinnavayya Oq uyning amaldagi xo‘jayinini KXDRga nisbatan “axloqsiz siyosat”da aybladi.
“AQSh prezidenti Barak Obama, Yaponiyaning Sony korporatsiyasi rahbari Kajuo Hirai va Amerikaning Sony Pictures Entertainment korporatsiyasi prezidenti Maykl Linton KXDRga nisbatan axloqsiz siyosat uchun mas’uldir”, — deb yozadi Pinnavayya.
Uning maktubi “Hurmatli Kim Chen In” degan so‘zlar bilan boshlanib, uning o‘zi “chet el yetakchisiga suiqasd uyushtirilishini ma’qullamasligi” haqidagi ta’kid bilan yakunlanadi.
Asl kasbiga ko‘ra qimmatbaho toshlar bo‘yicha mutaxassis bo‘lgan 56 yoshli Mettyu Pinnavayya AQSh prezidentlik saylovlarida ishtirok etish uchun 2014-yilning 20-iyunida ariza bergan. Biroq ushbu rasmiy xatti-harakat uning ismi saylov byulleteniga kiritilishiga kafolat bermaydi.
Izoh (0)