Qozog‘iston dunyodagi eng yirik energiya manbalari ishlab chiqaruvchi mamlakatlar o‘ntaligiga kirmoqchi, deya xabar bermoqda “RIA Novosti” mamlakat bosh vaziri Karim Masimov bayonotiga tayanib.
“Biz mamlakatimizda energiya manbalarini ishlab chiqarish yaqin yillarda o‘sadi, deb o‘ylaymiz va energiya manbalari, jumladan tabiiy gaz ishlab chiqaruvchi o‘nta asosiy mamlakatlar qatoriga kirishdan umidvormiz”, — dedi Masimov energetika xartiyasi bo‘yicha konferensiyada. U slanets gazini qazib olish bo‘yicha ham loyihalar ishlab chiqilishini qo‘shimcha qildi.
O‘z navbatida Qozog‘iston energetika vaziri Vladimir Shkolnik 2020-yildan keyin respublika har yili 100 million tonnadan ziyod uglevodorod qazib chiqarishni rejalashtirayotganini ta’kidladi.
Izoh (0)