Қозоғистон дунёдаги энг йирик энергия манбалари ишлаб чиқарувчи мамлакатлар ўнталигига кирмоқчи, дея хабар бермоқда «РИА Новости» мамлакат бош вазири Карим Масимов баёнотига таяниб.
«Биз мамлакатимизда энергия манбаларини ишлаб чиқариш яқин йилларда ўсади, деб ўйлаймиз ва энергия манбалари, жумладан табиий газ ишлаб чиқарувчи ўнта асосий мамлакатлар қаторига киришдан умидвормиз», — деди Масимов энергетика хартияси бўйича конференцияда. У сланец газини қазиб олиш бўйича ҳам лойиҳалар ишлаб чиқилишини қўшимча қилди.
Ўз навбатида Қозоғистон энергетика вазири Владимир Школьник 2020 йилдан кейин республика ҳар йили 100 миллион тоннадан зиёд углеводород қазиб чиқаришни режалаштираётганини таъкидлади.
Изоҳ (0)