Kim Chen Inning singlisi KXDR partiyasida yuqori lavozimni egalladi
Shimoliy Koreya yetakchisi Kim Chen Inning singlisi KXDR hukmron partiyasida yuqori lavozimni egalladi, deya xabar bermoqda “RIA Novosti” Koreya markaziy telegraf agentligiga tayanib.
Taxminan 27 yoshda bo‘lgan Kim Yo Chjon Mehnat partiyasi markaziy qo‘mitasida departament direktori o‘rinbosari lavozimiga ega bo‘ldi.
Xabar berilishicha, Kim Yo Chjon akasidan tashqari oilada KXDR hukumatida rasmiy faoliyat olib borayotgan yagona farzand hisoblanadi.
Seul milliy universiteti bosh tadqiqotchisi Chan Yon Sok fikricha, Kim Yo Chjon KXDR sobiq yetakchisi Kim Chen Irning singlisi — Kim Gyon Xiga qaraganda ham balandroq nufuzga ega. “Kim Yo Chjon Kim Chen Inning hukumatni kuchaytirish bo‘yicha urinishlari markazida turib, uning xalqqa sodiq yetakchi sifatidagi obrazini yaratishda muhim rol o‘ynaydi”, — dedi tadqiqotchi.
