Pentagon rahbari iste’fosiga uning Putinni daf qilish rejasi tasdiqlanmagani sabab bo‘ldi — OAV

Pentagon rahbari Chak Heygl iste’fo berishiga Oq uy uning Rossiya prezidenti Vladimir Putinni daf qilish haqidagi rejasini tasdiqlamagani sabab bo‘lgan. Bu haqda o‘z manbalariga tayanib, The Wall Street Journal xabar berdi.

Ma’lum bo‘lishicha, Heygl iste’foga chiqishidan ikki oy avval Putinni tiyish bo‘yicha yangi choralar ko‘rish va Yevropadagi ittifoqdoshlarni tinchlantirish uchun ko‘proq harakat qilishni so‘rab Oq uyga xat jo‘natgan. Biroq Pentagon rahbariga javob kelmagan.

“Heygl qadrlaydigan narsalardan biri bu aniqlik, biroq Oq uy bunday xislatni doim ham ko‘rsatavermaydi”, — dedi Pentagon vakillaridan biri.

Eslatib o‘tamiz, 24-noyabr kuni AQSh mudofaa vaziri Chak Heygl iste’foga chiqishi ma’lum bo‘ldi.