AQSh huquqni muhofaza qilish organlari xodimlari Amerikaning Fergyuson shahrida davom etayotgan tartibsizliklarning ikkinchi kechasida 44 kishini qo‘lga oldi, deya xabar bermoqda “RIA Novosti”. Tartibsizliklarni AQShning Missuri shtati Sent-Luis sudining avgust oyida 18 yoshli afro-amerikalik o‘smirni otib qo‘ygani uchun hibsga olingan politsiyachi Darren Uilsonni oqlagani keltirib chiqardi.
Hibsga olinganlarning to‘rt nafariga nisbatan jinoyatlar uyushtirish bo‘yicha ayblovlar qo‘yildi.
Namoyishlar jami 38 ta shtatda bo‘lib o‘tdi. Ayni damda namoyishchilarni AQShning Vashington, Nyu-York, Chikago va Sietl singari yirik shaharlaridagi aholi qo‘llab-quvvatlamoqda.
Eslatib o‘tamiz, avgust oyida 18 yoshli qoratanli o‘smirni otib qo‘ygani uchun qamoqqa olingan politsiyachi Darren Uilsonning oqlangani 25-noyabr kuni ertalab AQShning Missuri shtati Sent-Luis sudi prokurori Bob Makkalok tomonidan ma’lum qilindi.
Izoh (0)