“Donetsk xalq respublikasi” hukumati BMT Xavfsizlik Kengashini Donbassdagi nizolar hududiga tinchlikparvarlik kuchlarini yuborishga da’vat etdi. Bu haqda Euronews xabar berdi.
Murojaatda aytilishicha, Ukraina hukumatining xatti-harakatlari natijasida “gumanitar ofat va ijtimoiy genotsid” yuzaga kelgan. Bunda gap xususan Kiyevning barcha byudjet muassasalarini Ukraina hukumatiga bo‘ysunuvchi hududlarga ko‘chirib, qolganlarida pensiya va nafaqalar to‘lovini to‘xtatish to‘g‘risidagi qarori haqida bormoqda.
Rossiyaparast ayirmachilar buni inson huquqlarining buzlishi deb atamoqda. Ularning ta’kidlashicha, pensiyalar odamlarning butun mehnat faoliyati davomida yig‘gan o‘z pullari, Ukraina hukumati esa bu mablag‘larning egasi emas, tarqatuvchisidir.
Izoh (0)