Фергюсондаги тартибсизликларда 40 дан ортиқ киши ҳибсга олинди
АҚШ ҳуқуқни муҳофаза қилиш органлари ходимлари Американинг Фергюсон шаҳрида давом этаётган тартибсизликларнинг иккинчи кечасида 44 кишини қўлга олди, дея хабар бермоқда «РИА Новости». Тартибсизликларни АҚШнинг Миссури штати Сент-Луис судининг август ойида 18 ёшли афро-америкалик ўсмирни отиб қўйгани учун ҳибсга олинган полициячи Даррен Уилсонни оқлагани келтириб чиқарди.
Ҳибсга олинганларнинг тўрт нафарига нисбатан жиноятлар уюштириш бўйича айбловлар қўйилди.
Намойишлар жами 38 та штатда бўлиб ўтди. Айни дамда намойишчиларни АҚШнинг Вашингтон, Нью-Йорк, Чикаго ва Сиэтл сингари йирик шаҳарларидаги аҳоли қўллаб-қувватламоқда.
Эслатиб ўтамиз, август ойида 18 ёшли қоратанли ўсмирни отиб қўйгани учун қамоққа олинган полициячи Даррен Уилсоннинг оқлангани 25 ноябрь куни эрталаб АҚШнинг Миссури штати Сент-Луис суди прокурори Боб Маккалок томонидан маълум қилинди.
