BMT Bosh Assambleyasi Falastinni qo‘llab-quvvatlovchi va Isroilning istilochilik faoliyatini qoralovchi beshta rezolyutsiyani qabul qildi, deya xabar bermoqda “TASS”.
Yillik asosda tasdiqlanadigan ushbu hujjatlar Falastin xalqining o‘z taqdirini o‘zi belgilashiga, shuningdek Yaqin Sharq muammosini hal qilishga imkon yaratishi ko‘zda tutilgan.
Ushbu hujjatlarning ikkitasi Falastin muammosini tinch yo‘l bilan hal etishga qaratilgan bo‘lib, Isroilni o‘zi Falastin hududida olib borayotgan noqonuniy harakatlarni zudlik bilan to‘xtatishga chaqiradi.
Qolgan uchta rezolyutsiya tashkilotlarning Yaqin Sharqdagi vaziyatni tartibga solish va Falastin xalqining o‘z taqdirini o‘zi belgilash huquqini ta’minlashga tegishli tashabbuslariga aloqadordir.
Izoh (0)